Verkeerd Gevlieg

die wind waai soms so



Selfs met die beste beplanning loop dinge soms anders as wat ’n mens gedink het.

Dalk is daar iets fout met jou bestelling, het die verkeerde item by jou aangekom, of wil jy iets terugstuur of omruil.

Moenie bekommer nie — kom ons kyk hoe ons kan help.

Ons “Verkeerd Gevlieg” beleid verduidelik hieronder wanneer iets teruggestuur of omgeruil kan word, hoe die proses werk en wat jy in gedagte moet hou.

Wat beteken dit as jy verkeerd gevlieg het?

Soms is iets nie heeltemal reg met ’n bestelling nie. Dalk het die verkeerde produk by jou aangekom, is daar ’n fout met ’n item, of wil jy navraag doen oor ’n moontlike omruiling of terugstuur.

Wat ook al gebeur het, lees gerus deur die inligting hieronder. Dit verduidelik wanneer ’n item vir terugstuur of omruiling kwalifiseer en wat die volgende stap is.

Ons belofte aan jou

As Bosduif die verkeerde produk gestuur het, of jou produk beskadig of foutief by jou aankom, laat weet ons asseblief so gou moontlik.

Ons sal die situasie met jou uitklaar en dit volgens die toepaslike verbruikerswetgewing en die voorwaardes hieronder hanteer.

Ons wil dinge regmaak wanneer iets aan ons kant verkeerd geloop het — mooi, eenvoudig en sonder onnodige drama.

Hoe werk dit?

Kontak ons voordat jy enige produk terugstuur en gee vir ons jou naam, bestelnommer, die produk wat jy wil terugstuur en die rede daarvoor. Indien die produk beskadig of foutief is, kan ons jou vra om foto’s saam te stuur.

Sodra ons jou versoek ontvang het, laat weet ons wat die volgende stap is en waarheen die produk gestuur moet word.

Moet asseblief nie ’n pakkie terugstuur voordat jy terugvoer van ons ontvang het nie.

’n Paar dinge om in gedagte te hou

Vir gewone terugsendings of omruilings moet produkte ongedra, ongewas en ongebruik wees en in ’n toestand wees waarin dit weer verkoop kan word. Oorspronklike etikette en verpakking moet, waar van toepassing, steeds aan of by die produk wees.

Waar die verkeerde grootte, kleur of produk deur die klant bestel is, kan retour- en herafleweringskoste vir die klant se rekening wees. Ons sal hierdie koste met jou bevestig voordat die omruiling afgehandel word.

Foutiewe, beskadigde of verkeerde produkte wat deur Bosduif gelewer is, word anders hanteer en jou regte ingevolge toepaslike Suid-Afrikaanse verbruikerswetgewing bly van toepassing.